Saturday, October 20, 2018

တက်တူးများအကြောင်း...

အသားပေါ်မှာ စွဲမြဲနေမယ့် တက်တူးလေး တစ်ခုလောက် ထိုးချင်တာ ငယ်ငယ်ကတည်းကပါ
အနီရောင်လေးရယ် အစိမ်းရောင်လေးရယ် ရွှေရောင်လေးရယ် ဘယ်လိုပေါင်းစပ်ထိုးလိုက်မယ်ပေါ့
စိတ်ကူးတွေယဉ်ရတာလည်း ခဏခဏ
စိတ်ကူးထဲမှာတော့ လက်ဖျံပေါ်မှာလည်း ထိုးပြီးသွားပြီ ခြေသလုံးမှာလည်း ထိုးလိုက်ပြီ ပခုံးမှာလည်း တစ်ခု နားထင်မှာတောင် ပါသေး
တကယ့်တကယ်တော့ လက်တွေ့အကောင်အထည် မဖော်ဖြစ်သေးပါဘူး
အဲဒါကတော့ သာမန်မျက်စိနဲ့ တွေ့မြင်နိုင်တဲ့ ဆေးရောင်စုံတက်တူးလေးတွေပေါ့
ဒါပေမဲ့ တစ်ဖက်မှာတော့ ကျွန်မရဲ့ ခန္ဓာကိုယ်နေရာအနှံ့မှာ သာမန်မျက်စိနဲ့ မမြင်နိုင်တဲ့ ဆေးရောင်စုံတက်တူးလေး နှစ်ခုက နေရာယူထားပြီဆိုတာ သိလိုက်ရတယ်
ကျွန်မကို မြင်တိုင်း အသိမိတ်ဆွေအားလုံးက အဲဒီတက်တူးလေးတွေကိုပါ တွဲမြင်တယ်
တက်တူးတစ်ခုက အင်အားအပြည့်နဲ့ မိုးကောင်းကင်တစ်ခုလို ကျွန်မတစ်ကိုယ်လုံးကို အရောင်ပါးပါးလေးနဲ့ လွှမ်းခြုံထားတယ်
နောက်တစ်ခုက အရွယ်သေးပေမယ့် ဆေးရောင်ပြင်းပြင်းနဲ့ ကျွန်မရဲ့ နှလုံးသားနေရာမှာ ထည်ထည်ဝါဝါ နေရာယူထားတယ်
ကျွန်မဟာ အဲဒီတက်တူးလေးတွေနဲ့ အမြဲတစေ တွဲဖက် ရှုမြင်ခံရတယ်
အဲဒီတက်တူးတွေရဲ့ လှပမှု၊ ကြော့ရှင်းမှု၊ ရဲရင့်မှု အားလုံးဟာ ကျွန်မအပေါ် တစ်စိတ်တစ်ဒေသဖြစ်ဖြစ် အလုံးစုံဖြစ်ဖြစ် သက်ရောက်တတ်တယ်
သူတို့ရဲ့ အောင်မြင်မှုဟာ ကျွန်မ ….. ရှုံးနိမ့်မှုဟာ ကျွန်မ ….. မြတ်နိုးမှုဟာ ကျွန်မ… မုန်းတီးမှုဟာ ကျွန်မပဲ
သူတို့ရဲ့ အရာရာတိုင်းဟာ ကျွန်မ ဖြစ်သလို ကျွန်မရဲ့ အရာရာတိုင်းဟာလည်း သူတို့သာ ဖြစ်တယ်
ဆက်စပ်ပြီးတော့ သာမန်မျက်စိနဲ့ မမြင်နိုင်တဲ့ တက်တူးတွေဟာ ကျွန်မတင်မက လူတိုင်းမှာ ရှိနေတာကိုလည်း သူတို့ကြောင့် တွေ့မြင်လာရတယ်
လူတွေအားလုံးမှာ အလိုအလျောက် ရိုက်နှိပ်ထားတဲ့ တက်တူးတွေ ကိုယ်စီနဲ့ပါလားပေါ့
ကဲ … ကိုယ့်ရဲ့တက်တူးလေးတွေက ဘာတွေဖြစ်မလဲ ဘာအရောင်လဲ ဘယ်လိုပုံသဏ္ဍာန်လဲ ဘယ်လောက်နက်ရှိုင်းစွာ ရေးဆွဲထားတာလဲ စဉ်းစားတွေးတောလိုက်ရအောင်  .... .... …။

Tuesday, March 27, 2018

ချစ် ခင် မြတ် နိုး ခြင်း … မေ တ္တာ များ စွာ ဖြင့်

.........
ချစ်သူ အတွက်ပေါ့
အမြဲတမ်း စဉ်းစားလာတဲ့ စကားလုံးတွေကို စာရွှက်ပေါ် ချရေးဖို့ ပြင်ဖြစ်တယ်
ပထမဆုံး စကားလုံးကတော့ … အချစ်ပေါ့
ဒုတိယမြောက်ကတော့ … ပျော်ရွှင်ချမ်းမြေ့ခြင်း
တတိယ စကားလုံးက … ချမ်းသာအောင်မြင်မှုပါ
ချစ်သူရဲ့ဘဝမှာ အဲဒီစကားလုံးတွေချည်း လွှမ်းမိုးနေပါစေ
များပြားလှတဲ့ အလုပ်တွေကြားမှာ
မနက်ခင်း နေရောင်ခြည်ကိုလည်း ခံစားနိုင်ပါစေ
နေဝင်ချိန်အိပ်တန်းတက်ငှက်ကလေးတွေရဲ့ တေးသံကိုလည်း နားဆင်နိုင်ပါစေ
ကိုးကွယ်ရာဘုရားရှင်ကို ဝတ်ပြုနှုတ်ဆက် တစ်လောကလုံးကိုလည်း မေတ္တာပွားများနိုင်ပါစေ ချစ်သူ
နဖူးကချွေး ခြေမ ကျအောင် ကျွေးမွေးပြုစုခဲ့တဲ့ မိခင်ကိုလည်း ကန်တော့
ဒါမှမဟုတ် ဖုန်းဆက်ပြီး ကျေးဇူးတင်ကြောင်း နေကောင်းပါစေကြောင်း ပြောပေါ့
ဝန်းရံစောင့်ရှောက်ပေးတဲ့ ညီအစ်ကိုမောင်နှမတွေကိုလည်း မေတ္တာပါးရင်း
ဆွေမျိုးသဖွယ် အမြဲရှိနေပေးတဲ့ မိတ်ဆွေတွေကိုလည်း အမှတ်ရလိုက်ပါ
နောက်ထပ် အရေးကြီးတာလေး ရှိသေးတယ် ချစ်သူ
သူမျက်ဝန်းလေးတွေနဲ့ အရာရာကို အောင်နိုင်တတ်တဲ့ နှလုံးသည်းပွတ် သမီးလေးပေါ့
သမီးလေးဟာ တို့ဘဝတွေအတွက် မောင်းနှင်အားဖြစ်တယ်လေ
သူလေးကို လိမ္မာ တတ်သိတဲ့ လူသားတစ်ယောက်ဖြစ်အောင်လည်း သွန်သင်ထိန်းကျောင်းပေးပါဦး
ချစ်သူ ကိုယ်တိုင်လည်း ပတ်ဝန်းကျင်ကို အကျိုးပြုသူ တစ်ယောက် ဖြစ်ပါစေ
လောကကြီးကို ပခုံးဝိုင်းထမ်းပေးမယ့် ခွန်အားရှိတဲ့ စိတ်ဓာတ်ပိုင်ရှင် ဖြစ်ပါစေကွယ်
တစ်ဖက်ကလည်း …
ချစ်သူရဲ့ အတိတ် ပစ္စုပ္ပန် အနာဂတ် အားလုံးအတွက် အားအင်တစ်ခုဖြစ်ရပါလို၏
ချစ်သူရဲ့အနားက ပါရမီဖြည့်ဖက်တစ်ယောက်အဖြစ် အမြဲရပ်တည်ရပါလို၏လို့
ကိုယ်တိုင်ကိုယ်ကျ ပါဝင် ဆုတောင်းပါရစေ
မင်္ဂလာအပေါင်းနဲ့ ခညောင်းပါစေ
ပြီးတော့ …
ချစ်သူအပါးကို ပျော်ရွှင်ချမ်းမြေ့မှုအပေါင်း ခစား ရောက်ရှိကြပါစေ။

 လရိပ်ပြာ
(6 February 2018) Tuesday 11:38 pm 

ချစ်တယ်ဆိုတာ


..............
ချစ်တယ်ဆိုတာ
နှလုံးသားရဲ့ ရွေးချယ်ခွင့် မရှိတဲ့ ဘာသာဗေဒ ဆိုရင် ...
ဦးနှောက်ကတော့ တအိအိ ရှိုက် ငို ရင် ငိုနေပေလိမ့်မယ်
တစ်ခါတစ်ရံလည်း အဲဒီဘာသာဗေဒကြားမှာ ပျော်ရွှင်ကောင်းလည်း ပျော်ရွှင်နေလိမ့်မယ်
ဘာကို ပိုမြတ်နိုးမှာလဲဆိုတာ ဘယ်သူက ထိန်းချုပ် ကန့်သတ်မှာလဲ
ဒါမှမဟုတ် အကန့်အသတ်မဲ့ ကြိုးပြတ်စွန်ကလေးလို လွှတ်ပေးမှာလား
တောင်စဉ်ရေမရ အတွေးများနဲ့ တစ်ရေးပေါင်းများစွာ နိုးနေဦးမှာလား
ညတာဟာ ဗဟိုချက်လောက်တော့ မရှည်ကြာတော့တာ အမှန်
နာကျင်မှုတွေ တွေဝေမှုတွေ နှမြောတသမှုတွေကတော့ မနီးမဝေးမှာ ရပ်ကျန်တယ်
အဲဒီ နာကျင်မှုတွေ တွေဝေမှုတွေ နှမြောတသမှုတွေနဲ့
မကြာခင် ဝေးကွာသွားတော့မယ် မျှော်လင့်ရင်း ရောင်နီမှာ တလှပ်လှပ် မောရတယ်။

လရိပ်ပြာ
၁၇-၉-၂၀၁၇

အလွမ်း..

.........
ပါးပြင်ကို လေပြေတစ်ခု လာထိတဲ့အခါ
တိုးညင်းညင်း သူ့အသံကို လွမ်းဆွတ်မိတယ်
သူ ရှူရှိုက်နေတဲ့ လေတွေမှာ
အောက်စီဂျင် အချိုးအဆ မှန်ကန်စွာ ပါရဲ့လားလို့လည်း တွေးမိတယ်
ကျွန်မဆိုတာ..
သူ့နဖူးစပ်က ချွေးတစ်စက်ကြောင့်
တောက်ပပ မျက်ဝန်းတစ်စုံစပ်ဖျဉ်းသွားမှာ စိုးစိတ်နဲ့
အဲဒီချွေးစက်လေးကို စိုးရိမ်တကြီး စောင့်ကြည့်ခဲ့ဖူးသူ..
သူ့ကို အနမ်းတစ်ခုတလေ မပေးရတဲ့နေ့တွေ
သူ့ရယ်မောသံကို တစ်နေ့ သုံးကြိမ် မကြားရတဲ့နေ့တွေ
နွေးထွေးတဲ့ အသက်ရှူသံကို မကြားရတဲ့နေ့တွေမှာ
၂၄ နာရီဆိုတာကို မသိလိုက် မသိဘာသာ
အယောင်ယောင် အမှားမှား
မေ့မေ့ပျောက်ပျောက် ..
စတဲ့ စကားလုံးတွေနဲ့ပဲ ဖြတ်သန်းနေရသူ..။

လရိပ်ပြာ
3.3.18

Saturday, May 13, 2017


သီချင်းများနဲ့ ချစ်သူ
……
အိမ်အပြင်မှာ စွတ်စိုမှိုင်းရီလို့ နံဘေးက ကော်ဖီတွေလည်း အေးပြီ

မင်းမရှိရင် ဘယ်လိုနေရမှာလဲ[1] ဆိုတဲ့တေးဟောင်းလေးကို ညည်းဆို

ခုဆို ငါ့ရင်မှာနေညိုညိုနဲ့ အလွမ်းတွေပြို

မင်းဟာ ခုထိ ငါ့ချစ်သူဖြစ်ဆဲပါ[2] ဆိုတာကိုလည်း ပြောပြဦးမယ်

ငါ ရှုံးနိမ့်ရူးသွပ်ချိန်တိုင်း မင်းရင်ခွင်နဲ့နွေးထွေးခဲ့တာချည်းပါပဲ

မင်းကြိုက်တဲ့ အိမ်[3] သီချင်းလေးကိုလည်း ငါလိုက်ကြိုက်ခဲ့မိတယ်

မင်းသီဆိုတဲ့တေးသံတိုင်းမှာ သက်ဝင်ရင်ခုန်ရင်း

ငါဟာ ဘယ်တော့မှ မေတ္တာကမ္ဘာတွေ မခြား[4]လိုခဲ့တာပါ ချစ်သူ

ဘာမှမပြောပါနဲ့

မင်း စကားတွေတစ်ခွန်းမှ မပြောတဲ့အခါ[5]

ငါ့ကိုမင်းချစ်တယ်ဆိုတဲ့အဓိပ္ပာယ်ဟာ ပိုပြီးပေါ်လွင်တာမို့ပါ…



လရိပ်ပြာ
30th April 2017


[1] How do I live, Trisia Yearwood
[2] You are still the one, Shania Twain
[3] အိမ်၊ အငဲ
[4] မေတ္တာကမ္ဘာများဖြင့် မခြားလိုတယ်၊ စန္ဒယားလှထွတ်
[5] When you say nothing at all, Alison Krauss

Tuesday, April 28, 2015

ကျွန်မ နှင့် ကားမှတ်တိုင်များ ...



တက္ကသိုလ် စတက်တဲ့ ၂၀၀၀ ခုနှစ်မှာ ကားမှတ်တိုင်တွေ ဆိုတာကို ကျွန်မ ပိုပြီး မှတ်မှတ်ထင်ထင် စိတ်ဝင်စားလာ ဖြစ်ခဲ့ခြင်းပါ။ အရိပ်တွေ ဝေေ၀ဆာဆာနဲ့ တိတ်ဆိတ်အေးချမ်းတဲ့ ကျောင်းလမ်း အရှည်ကြီးကို မနက်တစ်ခါ ညနေတစ်ခါ လျှောက်ရင်း ဟိုဘက်ထိပ် ဒီဘက်ထိပ် ကြိုဆိုနေတတ်တဲ့ ကားမှတ်တိုင် အဟောင်းလေး နှစ်ခုက အစပြုခဲ့တာ ဆိုလည်း မမှားပါ။ 

အဲဒီ ခုနှစ်တွေတုန်းက ခပ်မွဲမွဲ သွပ်မိုးလေးတွေပဲ ရှိပြီး ထိုင်ခုံမပါတဲ့ အညိုရောင် ကားမှတ်တိုင်ဟောင်းလေးတွေ ရှိနေသေးတဲ့ အချိန်။ လှည်းတန်းလို နေရာမျိုးမှာတောင် အမိုးအပြာရောင် တောက်တောက်နဲ့ လှလှပပ ပလပ်စတစ် ထိုင်ခုံတွေ ပါတဲ့ ခေတ်မီ ကားမှတ်တိုင် တွေ ရှိလာတာ မကြာသေး။ နောက်ပိုင်းကျ အဲဒီလို ကားမှတ်တိုင်တွေ နောက်ခံမှာ ကြော်ငြာ ဆိုင်းဘုတ်ကြီးတွေပါ ရောက်လာပြီး အနုပညာခင်းကျင်းမှု တစ်ခုလိုတောင် ဖြစ်နေတတ်တဲ့ ကားမှတ်တိုင် တွေလည်း ရှိလာတယ်။ 

ဘယ်လိုပုံစံနဲ့ ဘယ်လို ခင်းကျင်းထားထား ဘယ်လိုမှတ်တိုင်ပဲ ဖြစ်ဖြစ် ရပ်ရမယ့် ကားတွေ ကတော့ ခရီးသည် အတက်အဆင်းချိန် လောက်ပဲ ရပ်ပြီး နောက်ထပ်မှတ်တိုင်တွေ ရှိရာဆီ ခရီး ဆက်နေရတာပဲ။ အဲဒီ မှတ်တိုင်တွေထဲမှာ တချို့မှတ်တိုင်တွေက အမြဲလိုလို စည်ကား ဆူညံနေတတ်သလို တချို့လည်း စိမ်းလန်းငြိမ်းချမ်းလို့။ 

ကျွန်မ ကျောင်းသွားနေကျ လမ်းပေါ်က ကားမှတ်တိုင်လေး နှစ်ခုကတော့ အမှတ်တရပါပဲ။ နာမည်တွေကတော့ ကျောင်းရှေ့မှတ်တိုင်.. ကျောင်းလမ်းမှတ်တိုင်။
မိုးဖွဲဖွဲတွေ မိုးသည်းသည်းတွေ အောက်မှာ အေးချမ်းတဲ့ ရင်ခွင်တစ်ခု အမြဲဖွင့်ထားသလို ကြင်နာတတ်ဟန် ပေါက်နေတဲ့ ကားမှတ်တိုင် ဟောင်းလေးများပါ။

တချို့ကျတော့လည်း ဘာအမှတ်အသား ဆိုင်းဘုတ်မှ မရှိဘဲ သတ်မှတ်ချက် အရသာ မှတ်တိုင် ဖြစ်နေရတဲ့ ကားရပ်နားရာ နေရာလေးများ။

ဘယ်လိုပဲဖြစ်ဖြစ် ကျွန်မကတော့ ကားမှတ်တိုင်များကို စိတ်ဝင်စားသည်လေ။ အဲဒါကြောင့်ပဲ ကျွန်မ ဘ၀တစ်လျှောက် ကြုံခဲ့ရသည့် တချို့လူတွေ အဖြစ်အပျက်တွေကို ကားမှတ်တိုင် နေရာမှာ ထားမိတော့ အဲဒါတွေ အားလုံးက တစ်နေ့နေ့ တစ်ချိန်ချိန်မှာ မလွဲမသွေ ဖြတ်ကျော် ထားရစ်ခဲ့ရမယ့် သင်္ကေတ အမှတ်အသားတစ်ခု သက်သက်လို ခံစားလိုက်ရတယ်။ ဒါပေမဲ့လည်း ပြန်ကြည့်လိုက်တိုင်း အမှတ်ရနေစရာ ရပ်နားခဲ့ဖူးတဲ့ အရိပ်တစ်ခု ဆိုတာတော့ လက်ခံရမယ်လေ။

BUS-STOP (1)
အမိုးအကာမဲ့ သင်္ကေတမရှိ ဆိတ်ငြိမ်တဲ့ ကားမှတ်တိုင်ပါ။ ကျွန်မ လေးတန်းကျောင်းသူ ဘ၀က မြန်မာစာဆရာ..။
ဆရာက အညာဇာတိဖြစ်ပြီး ကျောင်းမှာပဲနေ ကျောင်းသားတွေကို စာပြရင်း ဘ၀မှာ နေပျော်နေတဲ့သူ။ ကျွန်မကို ရေဆေးပန်းချီနဲ့ ပထမဆုံး ရင်းနှီးစေခဲ့ပြီး ကျွန်မလက်ရာ ပန်းချီတွေကို ကျောင်းကြော်ငြာသင်ပုန်းမှာ ကပ်လို့ ကျွန်မအိပ်မက်တွေကို အရောင်တင်ပေးခဲ့တဲ့ ဆရာပါ။ ဒါပေမဲ့ သိသင့်တာမှန်သမျှကို လေးတန်းကလေးလေးပါ ဆိုတဲ့ သတ်မှတ်ချက်အောက်မှာ ဖုံးကွယ်ခြင်း ခံခဲ့ရတယ်လေ။
ကျွန်မတို့ဆရာ ရုတ်တရက်ပျောက်သွားပုံက ပဉ္စလက်တော့ ဆန်တယ်။ တွေးကြည့်ဖို့လည်း ကျွန်မဥာဏ်မမီပါ။ ၈ လေးလုံး အရေးအခင်း နောက်ဆက်တွဲ ရိုက်ခတ်မှုအဖြစ် ပျောက်ကွယ်သွားတယ် ဆိုတဲ့ သတင်းသဲ့သဲ့က လွဲလို့ ကျွန်မ ဘာမှ မသိခဲ့ရပါ။
အဲဒီလို ရုတ်တရက် သတင်းအစ ပျောက်သွားတဲ့ ဆရာ့ကို ကျွန်မရဲ့ ပန်းချီတွေက မျှော်နေကြဆဲ.. ခုထိပါ။

BUS-STOP (2)
နူးညံ့သိမ်မွေ့မှု ရိုးရှင်းမှုတွေ ပါဝင်တဲ့ တွယ်တာမှု တစ်ခု..။ သြဂတ်စ် နေ့လယ်ခင်း တစ်ခုက စခဲ့တဲ့ အမှတ်တရပါ။ မျက်တောင်ရှည်ရှည်တွေ ပိုင်ဆိုင်တဲ့ အဲဒီအဖြူရောင် ကောင်လေးကို ကျွန်မက မိုးရေ လို့ ဖြူဖြူစင်စင် ခေါ်ခဲ့တယ်။ သူ့လက်ထဲက စီးကရက်ရယ်၊ သူ့စက်ဘီးနောက်ခုံက ကောင်မလေးတွေရယ်၊ ကျွန်မလွယ်အိတ်ထဲက သူ့နာမည်တစ်လုံး ပါတဲ့ စာအိတ်ပြာတွေရယ်၊…။
အဲလိုနဲ့ပဲ ကျောင်းဖွင့်လိုက် ကျောင်းပိတ်လိုက်နဲ့ မျိုသိပ်ခဲ့ရတဲ့ ရင်ထဲက ရာသီမှာ မိုးစက်တွေက အသန့်ရှင်းဆုံး ဇာတ်လိုက် ဖြစ်ခဲ့တယ်။ ဒါပေမဲ့ ဒီနေ့ထိ သူ့ကို မပြောပြနိုင်သေးတာကတော့ အမှတ်တရ ဖြစ်စေတဲ့ အကြောင်းရင်းများလား မသိပါ…။
အရောင်ခြယ်ရမယ် ဆိုရင်တော့အဖြူရောင်။
ပြီးတော့….အစိမ်းရောင်။

BUS-STOP (3)
အာ၊ဘေ၊ဆေ၊ဒေ ဆိုပြီး ပြင်သစ်စာကို ကကြီးခခွေးက စသင်ပေးခဲ့တဲ့ ဆရာမ။ ကျွန်မရဲ့ချစ်လှစွာသော ကားမှတ်တိုင်လေးပါ။ ခန့်ညားထယ်ဝါမှု၊ နွေးထွေးမှုတွေ လွှမ်းခြုံနေတဲ့ ထိုမှတ်တိုင်လေးမှာ အကြာကြီး ရပ်နားထားချင်ပေမဲ့ ကျွန်မကြာကြာ ရပ်ခွင့်မရခဲ့။ ဒုတိယနှစ်မှာပဲ ထိုမှတ်တိုင်က အဝေး ထွက်သွားတော့မယ် ဆိုတော့ “ယတဲန်းမ်” လို့ စတင်ပြောတတ်နေပြီ ဖြစ်တဲ့ စကားသံတွေနဲ့ ဒဂုံမန်းရထားအောက်မှာ နုနုနယ်နယ် မျက်ရည်တွေ ဝေခဲ့ရတယ်။ ပြန်ကြဆိုတဲ့ဆရာမ စကားသံက ခုထိကြည်လင်နေဆဲ။ ရထားသံလမ်းတွေကတော့ ရက်စက်စွာ ဖြောင့်တန်းလို့ လက်ပြရုံပဲ တတ်နိုင်ခဲ့ရတာပါပဲ။ တွေးမိတိုင်း အစအဆုံး အရောင်ထင် လာတတ်တဲ့ ကားမှတ်တိုင်လေးပါ။

BUS-STOP (4)
ရင်ခုန်သံတွေ နှေးလိုက် မြန်လိုက်နဲ့ သုံးရာသီကို လှလှပပ ဖြတ်ကျော်ခဲ့တဲ့ မှတ်တိုင်။ အဖြူရောင်ကြိုး တစ်ချောင်းနဲ့ တုတ်နှောင်မိတဲ့ အချိန်ကစပြီး ကျွန်မ ဒိုင်ယာရီထဲ သူရိုးရိုးသားသား စတင် ပါဝင်လာခဲ့တယ်။ တရိရိနဲ့ အိပ်မက်တွေ ပေးလိုက်ရတော့မှ အလန့်တကြားနဲ့ မှောင်ကြီးမည်းမည်း ငုတ်တုတ် ထထိုင်မိတဲ့ အဖြစ်။ တကယ်ဆို ကျွန်မက အဲဒီ ကားမှတ်တိုင်လေးကို အရမ်းချစ်ခဲ့ပါတယ်...အလွမ်းတွေ တဝေတဆာနဲ့ နေ့တချို့လည်း ရှိခဲ့တယ်။ ဒါပေမဲ့ ကိုယ်ပေးချင်တဲ့ စကားလုံးတွေက သူ့အတွက် အမှိုက်တွေ ဖြစ်လာတဲ့အခါ ကယ်သူမရှိတဲ့ နေ့ရက်တွေ ဖြစ်ကုန်ရောလေ။ ဒီလိုနဲ့ all trash ဖြစ်ခဲ့ရတဲ့ စကားလုံးတွေ နောက်မှာ ကိုယ်ဦးနှောက် ကိုယ်မောင်းနှင်ရင်းပဲ ညင်ညင်သာသာ ဖြတ်ကျော်ခဲ့လိုက်တဲ့ အရောင်လွင်လွင် ကားမှတ်တိုင်…။နောက်ခံသီချင်းကတော့
စည်သူလွင်ရဲ့ ..သူငယ်ချင်း။

BUS-STOP (5)……………..
………………………………………..
…………………………….
......................
............

BUS-STOP (6)……………..
………………………………………..
…………………………….
......................
............
ရှိနေဦးမှာပါ။
ဒီလိုနဲ့ ကားမှတ်တိုင် တွေနဲ့အတူ ကျွန်မ ရှင်သန်နေဖြစ် ပါဦးမယ်။ ။
..
လရိပ်ပြာ

လရောင် ကျဆုံးခန်း



လရောင်သံစဉ်ချိုချိုနဲ့ … သူ့ခြေရင်း ခစားနေတဲ့ အိပ်မက်တွေရယ်
လွလွလေး ရှတတ်တဲ့ ဓားသွားမြမြကို တမြတ်တနိုး သိမ်းဆည်း
သန်းခေါင်ထက်လည်း ညဥ့်မနက်တော့ပါဘူး။

အပြင်က ဆောင်းရာသီကလည်း မပီပြင်လှပါဘူး ချစ်သူရယ်
မင်းရင်ငွေ့ နွေးနွေးမှာ ညင်းညင်းသာသာ မှေးစက်ရင်း
ဆောင်းအိပ်မက်တစ်ခု မက်နေချင်တဲ့အခါ
ညဆိုတာ အဆုံးမရှိ ရှည်လာတယ်။

ဘဝဆိုတာ တစ်လမ်းသွားလို့ ဘယ်လို ယုံကြည်ထားရမလဲ
အတိတ် ပစ္စုပ္ပန် အနာဂတ်… ဘာတွေနဲ့ ရှင်သန်ခဲ့တာလဲ
ကျန်နေရစ်ချင်တဲ့ စက္ကန့်တွေဆိုတာ သွဲ့ ညင်းတဲ့ လေပြေ…

ပိုးဥပြောသလို တစ်သက်စာရှခဲ့တဲ့ ဒဏ်ရာရယ်
ပန်းနုရောင်သော့ချက်တွေနဲ့ မျက်စိမှောက်ခဲ့ရတဲ့ နာရီတွေရယ်
ဒီရာသီလေတွေ တိုက်ခတ်နေသရွေ့တော့
မြတ်နိုးမှုဖွဖွ ရင်ခုန်သံတွေနဲ့ တခမ်းတနားကျဆုံးနေရဦးမှာ….။

..လရိပ်ပြာ..