Saturday, April 10, 2010

အတင်း မက်ခဲ့တဲ့ အေပရယ် အိပ်မက်တစ်စုံ



အိပ်မက်လှလှလေးတစ်ခုရဖို့ နည်းအမျိုးမျိုး ကြိုးစားလိုက်ရတယ်

နောက်ဆုံးတော့ ကျွန်မရဲ့ အိပ်မက် အပိုင်းအစလေးတစ်ခုကို

သူ့ လက်ထဲအရောက် ပို့နိုင်ခဲ့တယ်

တစ်ခုပြီးတစ်ခု နီးကပ်လာတဲ့ မိုင်တိုင်တွေနဲ့ အတူ ရင်တွေခုန် ကြည်နူးလို့

အဲဒီ ကာလမျိုးဆို အပြန်ခရီးဆိုတာ ဘယ်တော့မှ မတွေးချင်တဲ့ စိတ်ကူးပေါ့

နီယွန် မီးရောင်တွေ အောက်မှာ မနက်ခင်းက ရောက်ခဲလှပြန်သေး

သူ့မျက်ဝန်းတွေထဲ ခိုနားချင်လှတဲ့ စိတ်ကလည်း ပူပူလောင်လောင်နဲ့

မျှော်ခဲ့ရတဲ့ ၃ - ၄ နာရီတွေရယ်

၁ဝ နာရီလောက် အတူရှိနေနိုင်ဖို့ ၁ဝ နှစ်လောက် စောင့်နေရသလိုပါပဲ

နေခြည် ရောင်စဉ်ဖြာ မနက်ခင်းလေး ဆိုတဲ့ သီချင်းလေးအတိုင်း

ကျွန်မရဲ့ ချစ်လှစွာသော နေခြည်က

ရောင်စဉ်ဖြာ မနက်ခင်းလေးနဲ့အတူ ရောက်လာပါတယ်

သူ့ရဲ့ တနွေးတထွေး ကျောပြင်ပေါ် ပါးအပ်ရင်း ဘုရားတရားတောင် မေ့နေတဲ့အထိ

အချိန်တွေကို ဆွဲရပ်ထား ပစ်လိုက်ချင်တာပါ

အိပ်မက်တချို့လာဖွင့်ပြတဲ့ ကျွန်မကို တခါတလေ

သူက ချောင်ပိတ်မေးခွန်းတွေနဲ့ တိုက်ခိုက်တတ်သေး

ငါ မင်းရှေ့မှာ လာဒူးထောက်တာပါ နေခြည်ရယ် လို့

သူ့ မျက်နှာကို တည့်တည့်ကြည့်ပြီး မပြောရဲသေးသရွေ့

နေညိုချိန်တွေက ကြောက်စရာ အကောင်းဆုံး ဖြစ်နေတယ်

သူ့ ကျောပြင်မှာ မှီတွယ်ရင်း ခိုးကျမိတဲ့ မျက်ရည်တွေကလည်း လေသလပ်လို့ ကုန်တာပါပဲ

တစ်ချိန်ကျ အားလုံး အငွေ့ပျံ ခြောက်သွေ့သွားမှာ သေချာနေတယ်လေ

အလာခရီးနဲ့ အပြန်ခရီးဆိုတာ ၂၄ နာရီပဲ ခြားတာ မှန်ပေမဲ့

ကောင်းကင်ဘုံနဲ့ ငရဲပြည်လို ကွာခြားလို့

အဲဒီ အပြန်ခရီးရဲ့ အထီးကျန်မှုက ခြောက်ခြားစရာအတိပဲကွယ်

နောက်နေ့ သူငယ်ချင်းက မေးတယ်

Good memory ပါပဲလို့ ပြုံးပြုံးရယ်ရယ်ပဲ

ကျွန်မရဲ့ တနင်္ဂနွေ ခပ်ဆန်ဆန် အေပရယ် အိပ်မက်လေး အကြောင်း ပြောပြလိုက်တယ်။ ။


7th April 2010 (Wed)
At home

2 comments:

ဂျေဂျူဝိုင် said...

အလို ကဗျာလည်း ဖတ်ပြီးရော ရင်ထဲ လေးပြီး နင့်ကျန်ခဲ့တယ်

အဆင်ပြေပါစေ ကလျာမလေးရယ်

မင်းယွန်းသစ် said...

ဧပရယ် အိပ်မက် ခပ်နွေးနွေးလေးကို ဖတ်မိပြီး ခပ်လွင့်လွင့်လေး ခံစား မိသွားတယ်...။