Kalyar Ei Ei Lwin @ Layeik Pyar: 2017

Saturday, May 13, 2017

သီချင်းများနဲ့ ချစ်သူ

……

အိမ်အပြင်မှာ စွတ်စိုမှိုင်းရီလို့ နံဘေးက ကော်ဖီတွေလည်း အေးပြီ

မင်းမရှိရင် ဘယ်လိုနေရမှာလဲ[1] ဆိုတဲ့တေးဟောင်းလေးကို ညည်းဆို

ခုဆို ငါ့ရင်မှာနေညိုညိုနဲ့ အလွမ်းတွေပြို

မင်းဟာ ခုထိ ငါ့ချစ်သူဖြစ်ဆဲပါ[2] ဆိုတာကိုလည်း ပြောပြဦးမယ်

သံဝေဂအလင်္ကာ

သူတည်းတစ်ယောက်၊ ကောင်းဖို့ရောက်မူ၊ သူတစ်ယောက်မှာ၊ ပျက်လင့်ကာသာ၊ ဓမ္မတာတည့်။ ရွှေအိမ်နန်းနှင့် ကြငှန်းလည်းခံ၊ မတ်ပေါင်းရံလျက်၊ ပျော်စံရိပ်ငြိမ်၊ စည်းစိမ်မကွာ၊ မင်းချမ်းသာကား၊ သမုဒ္ဒရာ၊ ရေမျက်နှာထက်၊ ခဏတက်သည့်၊ ရေပွက်ပမာ၊ တသက်တာလျာတည့်။ ကြင်နာသနား၊ ငါ့အားမသတ်၊ ယခုလွှတ်လည်း၊ မလွတ်ကြမ္မာ၊ လူတကာတို့၊ ခန္ဓာခိုင်ကျည်၊ အတည်မမြဲ၊ ဖောက်လွဲတတ်သည်၊ မချွတ်စသာ၊ သတ္တဝါတည့်။ ရှိခိုးကော်ရော်၊ ပူဇော်အကျွန်၊ ပန်ခဲ့တုံ၏ ၊ ခိုက်ကြုံဝိပါတ်၊ သံသာစက်၌၊ ကြိုက်လတ်တွန်မူ၊ တုံ့မယူလို၊ ကြည်ညိုစိတ်သန်၊ သခင်မွန်ကို၊ ချန်ဘိစင်စစ်၊ အပြစ်မဲ့ရေး၊ ခွင့်လျှင်ပေး၏၊ သွေးသည်သစ္စာ၊ ငါ့ခန္ဓာတည့်။ (အနန္တသူရိယအမတ်)